reklame.

-Planen er at eg skal køyre NM i år i Holten Motorsport Fiestaen som Ernst Holten Leifsen blei nummer fire med i NM i 2010. Men det nyttar ikkje utan motor, seier Daniel Holten, som difor no har gjort ein avtale med Per Magne Flatebø om å leige hans Ford Escort for den første runden på Momarken Bilbane .
-Dette er også ei bil som Ernst har køyrt tidlegare og som han blei nummer fem med i NM i 2009.
Likevel har det også vore litt på tampen med denne bilen dei siste dagane etter at det viste seg at toppakningen var gåen.
-Bilen blei klar i går, eg køyrte nokre rundar på Vikedal Motorbane og no er me snart framme på Momarken.

Meir om NM-runden les du på www.holtenmedia.no

Holten Motorsport deltok med 2 bussar under årets 17.mai kortesje

For Johannes Holten Leifsen, som ikkje vart klar til den første runden i Vestlandsmesterskapet på Eikås Motorsenter sist helg, blei det også hektisk før løpet på Vikedal Motorbane.
-Litt for lite søvn fram til løpet var ikkje bra, men bilen blei klar og på løpet starta det med ei fjerde og femtetid i dei to første omgangane, og det er eg nøgd med, seier han.
Han fekk ei litt svakare tid i tredje omgang, men var sikra beste sporet i B-finalen.
-Tok starten og hadde full kontroll fram til det var ein runde igjen, då blei motoren for varm og gjekk over i nødprogrammet som reduserer turtallet på motoren. Blei forbikjørt i siste sving og mista A-finaleplassen.
Det viste seg at det var ein jordleding på kjølevifta som hadde rista laus.
-At eg skulle miste A-finalen på ein slik feil er frusterande.
No ser han fram til neste løp som også blir på Vikedal Motorbane
- Nå blir det sjekk av motoren og oppjusteringar til neste løp, der målet er pallen, seier han, og takkar alle som har bidratt for å bli klar til løpet, og avsluttar med å sende nokre tankar til Geir Harald Skeie og Bjørn Magne Moland som fekk så mykje problem i helga.
-Det var synd med dei, og håpar dei får bilane i orden igjen.

Ernst Holten Leifsen og Åsmund Holten deltok i bilcross. Ernst i ein nybygd BMW.
-Fekk testa bilen og det var greitt, men no blir det ny motor til todagarscrossen, seier Ernst Holten Leifsen, som var nøgd med bilen men ikkje med motoren.
-No blir det ny motor før todagarscrossen.
Åsmund Holten, som køyrte sitt aller første billøp i bilcross junior, kom seg til B-finalen i NMK Vikedal sitt klubbløp. Etter at denne vart rødflagga vart han ikkje med på omstarten.
-Øydela radiatoren i starten og motoren bygynte å bli varm og eg valde å gi meg.

Etter Åsmund rulla med volvoen på lørdagens trening så blir det nytt tak og litt «jigging» av støtdempertårn før den er klar igjen